මං travel කරපු තවත් ලස්සන තැන් දෙකක්

 කොග්ගල වෙරළ

මම අද කතා කරන්නේ මම travel කරපු ලස්සන තැනක් ගැන. ඒ තමයි කොග්ගල වෙරළ. සැදෑ යාමයේ කොග්ගල වෙරළ තීරයේ අසිරිය කියා නිම කළ නොහැකිය. මෙය සියලු දෙනාගේ නෙත් සිත් ඇදගන්නා අපූරු දසුනකි. 🌊🌴🐚 කොග්ගල වෙරළ ශ්‍රී ලංකාවේ දකුණු වෙරළ තීරයේ සැඟවුණු සොබා සෞන්දර්යයෙන් අනූන වටිනා වස්තුවක් ලෙස කිව හැකිය. මෙම සුන්දර වෙරළ තීරය නිල් පැහැති ජලයෙන් වැසී ඇති සැතපුම් ගණනක් පුරා පැතිරී ඇති රන්වන් වැලි වලින් සමන්විත කොග්ගල වෙරළ තීරයේ විශ්මයජනක සුන්දරත්වය කියා නිම කළ නොහැකිය. සංචාරකයින් බොහෝ දෙනාගේ සිත් ඇද බැඳගන්නා ආකර්ෂණීය මෙන්ම නිස්කලංක සොබා සෞන්දර්යයෙන් හෙබි ත්‍රාසජනක අත්දැකීමක් එක් කරන මනරම් වෙරළ තීරයක් ලෙස මෙම වෙරළ තීරය අපට දැක ගත හැකිය. සිත් ඇද බැඳගන්නා මෙම වෙරළ නරඹන්නන්ට පාරාදීසයක්  බඳුය. මෙම කොග්ගල වෙරළ තීරයෙහි විචිත්‍රවත් කොරල්පර සහ වර්ණවත් සාගර ජීවීන්ගෙන් පිරී ඇත. 😍🐬🌊🦀🐚🍃 මෙම අපූරු විචිත්‍රත්වයෙන් අනූන කොග්ගල වෙරළ තීරය වෙරළ ලෝලීන් සහ සොබා දහමට ආදරය කරන්නන් නැරඹිය යුතුම ස්ථානයක් බව කිව යුතුය. 

බඹර කිරි ඇල්ල 

 මම travel කරපු තවත් ලස්සන තැනක් තමයි මේ මාතලේ පිහිටි බඹරකිරි ඇල්ල. 🥰🐾️❤️ මාතලේ කියපු ගමන් මට නම් මතක් වෙන්නේ මාතලේ ප්‍රදේශයේ තියන ස්වභාවික සුන්දරත්වය හා සීත දේශගුණයයි. අපේ නගරයේ රස්නෙත් එක්ක මාතලේ තියෙන සීත දේශගුණය නිසා ඇඟට දැනෙන සනීපය කියා නිම කරන්න බෑ.🥰💧🌧️ මාතලේ නගරයේ බලන්න සුන්දර තැන් ගොඩක් පිහිටලා තියෙනවා. රිවස්ටන් යන අතරමග තමයි මේ බඹරකිරි ඇල්ල අපිට හම්බවෙන්නේ. හරිම ලස්සන තැනක් 😍 මේ ඇල්ල පිහිටලා තියෙන්නේ ප්‍රධාන පාරේ අයිනෙමයි. එච්චර ලොකු දිය ඇල්ලක් නොවුනත් ගමන් මහන්සිය නිවාගන්නනම් හරිම හොඳ palace එකක් විදියට මේ ඇල්ල හඳුන්වන්න පුළුවන්. මාතලේ රත්තොට කියන ප්‍රදේශයේ තමයි මේ සුන්දර දිය ඇල්ල පිහිටලා තියෙන්නේ. ඉතින් ඔයාලත් මාතලේ දිස්ත්‍රික්කයේ රිවස්ටන් හෝ නකල්ස් බලන්න යනවානම් මේ බඹරකිරි ඇල්ල දැක බලා ගෙන ගිමන් ඇරලා යන්න අමතක කරන්න එපා. 😊😇

ඉතින් තවත් මේ වගේ travel කරපු ලස්සන තැන් ගොඩක් අරන් ඊළඟ වතාවේ කතා කරමු. 😊❤️

Ambuluwawa

අම්බුලුවාව

මං මේ ඔයාලට කියන්නේ මං නරඹපු ලස්සන තැන් කීපයක් ගැන. ඒ අතර මගේ නෙත් ඇදගත් සුන්දර ස්ථානයක් තමයි මේ අම්බුලුවාව 😊🥰 මහනුවර දිස්ත්‍රික්කයේ පිහිටා ඇති මේ අම්බුලුවාව දෙස් විදෙස් සංචාරකයන්ගේ නෙත් සිත් ඇද ගන්නා අපූර්ව සංචාරක ස්ථානයක් ලෙස හඳුන්වන්න පුළුවන්. මෙම ස්ථානය අක්කර 27ක භූමියකින් යුතු සුන්දර පරිසර පද්ධතියකි. සතුන් හා විශාල ශාක වලින් සමන්විත ඉහළ ජෛව විවිධත්වයකින් යුතු මෙය සිත් ඇදගන්නා ස්ථානයකි. 😍🌳 1997 දී ආරම්භ කර ඇති මෙය 2002 දී ලොව හොඳම සංවර්ධිත කඳු වැටිය බවට පත්විය. මෙම කඳුවැටිය මුදුනේ ඇති ගොවිජන සෑය සර්ව ආගමික ස්ථානයක් ලෙස සැලකේ. වී බිස්සක හැඩයකින් යුතුව නිර්මාණය කර ඇති මේ සෑය ගොවි ජනතාව නියෝජනය කරනු ලබයි. මෙම සෑය උසින් අඩි හාරසීයක් පමණ වන අතර මෙහි විහාර ගෙය බුදුපිළිමයකින්ද තමන්විතය. මෙම ස්ථානය අතිශය ත්‍රාසජනක වන අතර ඉහළට යන විට අධික සුළඟකින් යුතු හෙයින් ත්‍රාසය උපරිම වේ. මෙම සෑයේ ඉහළට පෙනෙන හාත්පස දර්ශනය අතිශය සුන්දරය.

ශ්‍රී පාදය

මං නරඹපු තවත් ආකර්ෂණීය ස්ථානයක් තමයි මේ ශ්‍රී පාදස්ථානය. 😊😍 ශ්‍රී පාදස්ථානය ඓතිහාසික වටිනාකමකින් යුතු සුන්දර ස්ථානයක් ලෙස හඳුනාගත හැකිය. දෙසැම්බර් සිට මාර්තු දක්වා බොහෝ දෙනා ශ්‍රී පාදස්ථානය වන්දනා කරනු ලබයි. ශ්‍රී පාදස්ථානය සමනල කන්ද ලෙසද හඳුන්වනු ලබයි. විවිධ ජන වර්ග තමන්ට ආවේණික නම් වලින් ශ්‍රී පාදස්ථානයේ අරුත් ගන්වනු ලබයි. මෙම පූජනීය ස්ථානය අතීතයේ සිටම බෞද්ධයා ශ්‍රීපාදය යනුවෙන් නම් කර ඇත. බෞද්ධයන් විශ්වාස කරනුයේ ශ්‍රී පාද කඳු මුදුනේ බුදුරජාණන් වහන්සේගේ වාම සිරිපතුල සලකුණු කොට ඇති බවය. තවත් විදියකට දමිළ ජනතාව ශ්‍රී පාදස්ථානයට වැඳුම් පිදුම් සිදු කරනුයේ ඔවුන්ගේ දෙවිකෙනෙකු වන ශිව දෙවියන්ගේ පා සලකුණු කොට ඇති ස්ථානය ලෙසටය. සුමන සමන් දෙවියන්ගේ අඩවිය වන ශ්‍රීපාදස්ථානය සමන්ත කූට නමින්ද හඳුන්වයි. තවද ශ්‍රී පාදස්ථානය හඳුන්වන විවිධ නම් දැකගන්න පුළුවන්. එනම්, රත්නගිරි, ස්වර්ගරෝහනම් යනුවෙනි. පූජනීය ස්ථානයක් වන ශ්‍රී පාදස්ථානයේ සැබෑ අයිතිය සිංහල බෞද්ධයන් සතුවන අතර  සියලු දෙනා සිරිපා කරුණා කරන්නට අමතක නොකරයි. ඉතා සුන්දර ස්වභාව සෞන්දර්යයකින් සුසැඳි සියලු දෙනාගේ නෙත් සිත් ආකර්ෂණය කරන සොබා ධර්මයාගේ අපූරු නිමැවුමක් ලෙස ශ්‍රී පාදස්ථානය හඳුනාගත හැකිය. 🍀🥰 

මං මේ ඔයාලට කිව්වේ මම travel කරපු වඩාත් ආකර්ෂණීයම නැරඹුම් ස්ථාන කීපයක් ගැනයි. ඉතින් මේ ලස්සන තැන් ගැන දැනගන්න වගේම නරඹන්නත් ඔයාලට පුළුවන්. 

තවත් මේ වගේ මං දැකපු ලස්සන දැන් ගොඩක් ගැන ඊළඟ වතාවේ කතා කරමු. 😊🥰❤️